Psalms 113
Yook 113
1Yariman ye aningko kankoonime.OYariman ye demedan, ye aningko kankoonime.
Yariman ye aningko kankoonime.
2Yariman ye aningko kuu amun kerundok,
kibikiib aron koremiib.
3Aron yaro minimaun angkambed wene aron kubunimaun kuye okad aombed
Yariman ye aningko kuu kankooni yeman.
4Yariman kuu ambibkin koremdan yaa kuu yembedmo darewoob arimbed.
Ye nambiri kuu Ewen burudande darewoob arimbed keroon.
5Kane kuuYariman nub God areb? Dowan.
Ye kuu miin ambab arimbed dibere oonoonman.
6Ye kuu dibere nikbe kan yiri kerene
Eweniib okadiib yaa kerendombirimaan ye karub.
7Yembed kamboknondan okad ingkud yiri dangiwen kuu benkoobimaan,
kwane yembed nub yaa awandok andidan kuu yi yaa dabab angkeen yaa benkoobimaan.
8Yi kuu ongmaane king ye karub dana meed yoom dibirimaib,
yi ambibkin mimodan yi korok korok yoom dibirimaib kui.
9Yembed nima kurong kuu ongmaane
danayiib kere kubenib yi ambiwoom dobirimaib.
Yariman ye aningko kankoonime.
Copyright information for
YON